Bruă anei mâo rŭ mkra mơ̆ng hlăk thŭn 2021, kčưm hlue ngă jih jang bruă mơ̆ng akŏ thŭn 2022 hlăm ênhă 1.810 ha. Truh ară anei, lu mta bruă mâo bi leh, dưi bi leh jih jang bruă mprăp kơ klei lông phiơr, lehanăn ksiêm wĭt bruă kiă kriê êlan phiơr. Tui si boh tŭ dưn klei ksiêm duah, êpul ngă bruă êdeh phiơr (Air Transport Action Group), leh mphŭn ba yua, tač êdeh phiơr anei srăng mâo hlăm brô  22.000 bruă knuă mă, đru ba wĭt ngăn prăk hlăm brô 3,7 êklai USD/thŭn…

Hŏng klei kut kat jih hnơ̆ng, bruă rŭ mkra tač êdeh phiơr Long Thành – wưng tal 1 ktưn bi leh êlâo kơ hrue 19/12/2025 kjăp kơ klei dưi phiơr, lehanăn ba yua ênŭm tač êdeh phiơr ti thŭn 2026… Klah čŭn klei mă bruă, Khua gĭt gai Đảng Tô Lâm bi mni kơ dŭm phŭn dhar bruă, alŭ wăl djŏ tuôm gĭr bi leh jih bruă djŏ hŏng hdră kčah. Khua gĭt gai Đảng mtă, tač êdeh phiơr Long Thành srăng dưi ba yua jing sa boh tač êdeh phiơr jăk ênuk mrâo mrang, boh hŏng klei thâo mĭn, jing tač êdeh phiơr jăk hŏng hlăm Ngŏ dhŭng Asi. Ti anôk mă bruă, Khua gĭt gai Đảng ăt mđing hmư̆ klei blŭ mơ̆ng alŭ wăl , pô duh mkra lehanăn adŭ bruă Đảng gưl dlông, bi klin klei blŭ mơĭt kơ dŭm anôk bruă bi ksiêm duah, mghaih msir bi pral tui si klei dưi, rơ̆ng djŏ hŏng klei bhiăn, hŏng klei đru jih hnơ̆ng kơ klei mđĭ kyar kjăp hlăm wưng tinăp./.