Hlăm dŭm hrue giăm Tết, dŭm kdrêč bruă dôk ngă hlăm anôk mkra mjing êlan dơ̆ng prŏng Khánh Hòa – Buôn Ma Thuột găn să Ea Knếc, kdriêk Krông Pač ăt dôk mjhĭt m’uăt ngă bruă. Êlan dơ̆ng pral   Khánh Hòa - Buôn Ma Thuột mâo boh taih 117,5 km mkŏ čar Khánh Hòa – Dak Lak. Bruă knuă mâo mbha hlăm 3 kdrêč bruă, êpul bruă mrô 1 jao kơ čar Khánh Hòa jing pô duh bi liê, êpul bruă mrô 2 mâo phŭn bruă êlan klông mkŏ mjing, adôk êpul bruă mrô 3 mâo čả Daklak pô duh bi liê.

Êpul bruă anei mâo čar Daklak jao kơ êpul kiă kriê bruă mkra êlan klông lehanăn bruă lŏ hma mđĭ kyar krĭng ƀuôn sang jing pô duh bi liê. Hlăm wưng Tết Giáp Thìn 2024 anei, jih jang êpul êya ngă bruă dôk hlăm êpul bruă mrô 3 bi akâo ngă bruă hlăm jih dŭm hrue tết, Dhar bruă kiă kriê mtă kơ phung mkra êlan êngao kơ bruă rơ̆ng kjăp klei ngă bruă, bi ngă bruă hŏng klei kjăp, lehanăn mđing truh kơ klei hdĭp mnuih ngă bruă, čiăng bi hơĭt klei hgŭm ngă bruă tui si hdră čoh čuăn./.