Anôk bruă mtô bi hriăm bi mklă boh phŭn mơ̆ng thŭn hriăm 2024 – 2025 jing “Đua klam, amâo mdei mlih mrâo, mđĭ hnơ̆ng tŭ jăk” hŏng lu bruă phŭn. Čiăng pŏk ngă bruă klam thŭn hriăm 2024-2025 pral, klă sĭt, tŭ dưn, Phŭn bruă Sang hră m’ar mtă kơ Anôk bruă sang čư̆ êa dŭm čar, ƀuôn prŏng hlăm Gưl dlông mđĭ bruă ksiêm dlăng, mtrŭt, mprăp djăp ênŭm anôk bruă nah gŭ, kdrăp mnơ̆ng êlâo kơ thŭn hriăm mrâo.

Mbĭt anăn, mâo hdră msir mghaih klei dôk êdu kƀah hlăm êpul knuă druh nai mtô djŏ hŏng klei dưi. Čih mkra, pŏk hdră đru kơ phung hđeh ƀun, giăm ƀun, hđeh mâo klei hdĭp dleh dlan, krĭng taih kbưi, hđeh mnuih djuê ƀiă mâo djăp hdruôm hră mơar, mnơ̆ng yua hriăm hră lehanăn dŭm klei găl mkăn, amâo lui phung hđeh dleh dlan amâo dưi nao sang hră./.