Thượng tướng Nguyễn Tân Cương mñă, klei bi hgŭm bruă lĭng kahan dua ala čar wưng leh êgao mâo leh klei đĭ kyar klă mngač msĕ si: Hlue ngă kjăp dŭm hră mtrŭn mbĭt, lehanăn klei bi hgŭm bruă lĭng kahan dua nah, bi đru hlăm bruă mjuăt bi hriăm mnuih ngă bruă, hgŭm bruă kiă kriê, klei bi đru răng mgang knông lăn, bi đru mđĭ kyar bruă duh mkra ti knông lăn, bi đru hdơ̆ng găp hlăm djăp anôk bi kƀĭn lu tĭng.

Thượng tướng Nguyễn Tân Cương mtă hlăm wưng ti anăp lŏ dơ̆ng bi hgŭm hlăm klei kăp kčĕ đru mơ̆ng phung khua prŏng, lehanăn phŭn bruă lĭng kahan dua ala čar kơ klei bi mguôp bruă lĭng kahan, bruă răng mgang klei êđăp ênang, klei bi mjĕ êrô êpul khua kahan, klei mjuăt bi hriăm khua kahan, bi hgŭm bruă kiă kriê, răng mgang knông lăn, bruă hâo hưn, bruă mjuăt bi hriăm kơ knhuah gru dua ala čar, lehanăn dua lĭng kahan./.