Trần Cẩm Tú bi tuôm hŏng Triệu Lạc Tế, Khua hlăm dhar bruă gĭt gai bruă kƀĭn ala China
Thứ tư, 00:00, 08/11/2023
VOV TAYNGUYEN
VOV TAYNGUYEN
VOV4.Êđê- Nao hlăm hdră nao čuă lehanăn mă bruă ti China, hrue 7/11, ti sang bi kƀĭn bruă kƀĭn ala ti Bắc Kinh, Triệu Lạc Tế Khua hlăm êpul gĭt gai bruă kƀĭn ala China trông čhưn leh hŏng Trần Cảm Tú, Khua anôk bruă ksiêm dlăng gưl dlông Đảng Cộng sản Việt Nam
Ti anôk bi tuôm anăn, Trần Cẩm Tú lač dua ala čar Việt Nam lehanăn China jing ala čar riêng gah, mâo lu klei msĕ hlăm dhar kreh, mâo knhuah gru mơ̆ng đưm jing ala čar yang ƀuôn ngă phŭn êngiê mâo Đảng Cộng sản kiă kriê.
Đảng, knŭk kna lehanăn mnuih ƀuôn sang Việt Nam dlăng yuôm klei bi mguôp hŏng China, anei jing hdră êlan hrŏng ruah leh mơ̆ng êlâo hlăm klei Việt Nam bi mguôp hŏng ala tač êngao. Triệu Lạc Tế mñă, Đảng, knŭk kna China yap Việt Nam jing ala čar kñăm tal êlâo hlăm klei bi mguôp riêng gah, đăo kang kơ klei hriê čhưn anei lŏ dơ̆ng bi kjăp jih jang klei khua gĭt gai Đảng dua ala čar ƀuăn leh./.
Viết bình luận