Êlâo anăn, Anôk bruă mkŏ mjing gưl dlông hưn leh bi mklă mơ̆ng Anôk dlăng bruă Đảng ruah Trần Phong, Kơiăng khua bruă Đảng, Khua knơ̆ng bruă sang čư̆ êa čar Quảng Trị, păn ngă Kơiăng khua bruă Đảng čar Khánh Hoà wưng thŭn 2025–2030. Blŭ hrăm tŭ mă bruă klam, Trần Phong bi êdah klei mơak hlăk mâo Phŭn bruă kđi čar lehanăn Anôk dlăng bruă Đảng đăo knang, ruah păn ngă bruă mrâo, mbĭt anăn ƀuăn srăng mđĭ lar ai tiê đua klam, jih ai tiê kyua klei đĭ kyar mơ̆ng čar lehanăn klei hdĭp mnuih ƀuôn sang.

Ñu mñă srăng hrăm mbĭt hŏng êpul phung khua kiă kriê čar pŏk ngă tŭ dưn Hdră mtrŭn Klei bi kƀĭn bruă Đảng čar, dŭm klei biăn, hdră mtrŭn mdê hjăn mơ̆ng Gưl dlông kơ Khánh Hòa, lŏ dơ̆ng mkŏ mjing bruă Đảng doh mngač, kjăp ktang, mlih mrâo hdră kiă kriê, mđĭ klei thâo kiă kriê, krŭ wĭt ai tiê jhŏng mĭn, jhŏng ngă, hluê ngă bi sĭt mta kñăm ba Khánh Hoà jing ƀuôn prŏng dôk hlăm Gưl dlông thŭn 2030./.