Trần Sỹ Thanh ksiêm dlăng hdră mprăp kơ klei ruah khua ti Dak Lak
Thứ ba, 09:46, 10/03/2026
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Aguah 9/3, Êpul ksiêm dlăng mơ̆ng Êpul hgŭm ruah khua ala čar mâo Trần Sỹ Thanh, Khua hlăm Phŭn bruă kđi čar, Khua bruă Đảng gưl dlông, Khua Dhar bruă ksiêm dlăng Gưl dlông, Khua hlăm Êpul hgŭm ruah khua ala čar ngă khua êpul nao ksiêm dlăng lehanăn mă bruă hŏng Dhar bruă ruah khua čar Dak Lak.
Êpul mă bruă nao ksiêm dlăng ti krĭng mplĕ hră mrô 38, alŭ mrô 5 Tự An, ƀuôn hgŭm Ƀuôn Ama Thuôt, čar Dak Lak. Leh ksiêm dlăng, êpul mă leh bruă hŏng Dhar bruă ruah khua čar Dak Lak kơ hdră mprăp kơ klei ruah khua ti alŭ wăl.
Blŭ ti knăm anei, Trần Sỹ Thanh čih yap lehanăn bi mni ai tiê pral, đua klam mơ̆ng čar Dak Lak hlăm hdră kiă kriê, pŏk ngă hdră ruah khua. Kyua alŭ wăl prŏng, lu krĭng taih kbưi, lu mnuih djuê ƀiă, alŭ wăl amâo dưi ngă ngơi. Dak Lak brei ksiêm dlăng kjăp klei gĭt gai mơ̆ng gưl dlông lehanăn Knơ̆ng bruă ruah khua ala čar, mđĭ hdră ksiêm dlăng gưl nah gŭ, rơ̆ng klei êđăp ênang ti krĭng mplĕ hră, mprăp ênŭm anôk bruă nah gŭ, mkŏ dăp êoul djŏ hdră kčah.
Viết bình luận