VOV4.Êđê - Tlam mbruê 26/1, ti Hà Nội, Dhar bruă mặt trận čar kwar Việt Nam, anôk bruă klei mrâo bi mguôp mkŏ mjing leh knăm bi hdơr 80 hruê mkŏ mjing bruă klei mrâo đru dŏng ala čar, suă wĭt klei êngiê leh anăn klei bi mguôp prŏng. Hơêč hmưi leh anăn pah mni dŭm gưl phung ngă bruă klei mrâo hlăm 80 thŭn êgao, Trần Thanh Mẫn mtă kơ phung ngă bruă klei mrâo bi mguôp tui ngă mâo boh tŭ dưn bruă klam ksiêm dlăng, hưn mdah hŏng yang ƀuôn, gang mkhư̆ klei ƀơ̆ng ngăn, klei amâo jăk, đru mguôp kơ mjing Đảng, bruă sang čư êa. Mbĭt anăn mtrŭt mđĭ bruă bi kdơ̆ng hŏng dŭm klei mĭn čhuai, bruă ngă soh, bruă bi rai klei êđăp ênang mơ̆ng phung roh, kñăm bi rai klei bi mguôp. Trần Thanh Mẫn hmăng hmưi phung knuă druh, phung čih lei mrâo bi mguôp lŏ tui hriăm nanao, mđĭ hĭn klei thâo bruă kđi čar čiăng mâo dŭm klei čih hưn jăk, đru kơ phung dlăng, mâo klei klă mngač, lŏ bi mbŏ knhuah gru mơ̆ng bruă Klei mrâo bi mguôp hlăm 80 thŭn êgao.

Y-Ƀel pô mblang