VOV4.Êđê- Aguah hruê 29/5, ti kdriêk Bá Thước, čar Thanh Hóa, mkŏ mjing leh Knăm hưn mthâo Hdră bruă Êdam êra ba anăp yan bhang thŭn 2022 mâo Êpul bruă Đoàn Êdam êra Cộng sản Hồ Chí Minh mkŏ mjing. Hdră anei dưi pŏk ngă hŏng lu bruă tŭ yuôm ti 74 kdriêk ƀun hlăm 26 čar, 54 sa dleh dlan krĭng ktuê hang ksĭ lehanăn plao ksĭ hlăm 12 čar lehanăn 33 boh ƀuôn êdam êra mphŭn čô̆ kơ bruă mâo bruă Đoàn gưl dlông duh bi liê rŭ mdơ̆ng wưng thŭn 2001- 2020. Hdră anei mkŏ mjing mơ̆ng hruê 1/6 truh kơ hruê 31/8 hŏng hdră lar ƀar – êđăp ênang – tŭ dưn – h’ĭt kjăp mguôp hŏng bruă klam kđi čar, klei dôk čiăng mơ̆ng alŭ wăl, êpul êya. Blŭ ti knăm anei, K’iăng khua anôk bruă kƀĭn ala Trần Thanh Mẫn mtă: Êpul bruă Đoàn brei bi mklă Hdră Êdam êra ba anăp yan bhang jing wưng bi mjĕ mjuk yuôm bhăn, hluê hdră anei čiăng bi mklă klei mĭn bruă cách mạng, knhuah hdĭp, knhuah dhar kreh kơ phung đoàn viên, êdam êra, lŏ krŭ wĭt ai tiê ba anăp, mprăp myơr, săn asei kơ klei tŭ dưn mơ̆ng êpul êya, yang ƀuôn, kyua klei đĭ kyar mơ̆ng lăn čar./.

                                                    Pô mblang: H’Nêč Êñuôl