Hlăm klei bi tuôm, Khua Dhar bruă Đảng hơêč hmưi kơ boh tŭ đĭ kyar yuôm bhăn hlăm dŭm mta bruă mơ̆ng Japon mâo leh hlăm wưng êgao; mbĭt anăn hâo hưn kơ boh tŭ đĭ kyar bruă duh mkra- ala ƀuôn, bruă hŏng tač êngao mơ̆ng Việt Nam mơ̆ng akŏ wưng klei bi kƀĭn XIII mơ̆ng Đảng truh ară anei.

Kơ hdră tă bi hgŭm hlăm wưng kơ anăp, dua tĭng tŭ ư lŏ dơ̆ng mđĭ klei đăo knang kđi čar leh anăn bi thâo săng mơ̆ng bruă mđĭ lar nanao klei bi tuôm gưl dlông leh anăn dŭm gưl; mđĭ lar boh tŭ dưn klei bhiăn bi hgŭm leh anăn blŭ hrăm plah wah dua tĭng dŭm hdră mă bruă mơ̆ng Đảng, Knŭk kna, Bruă kƀĭn ala, êpul bruă yang ƀuôn leh anăn plah wah dŭm alŭ wăl klei găl mơ̆ng dua ala čar, gĭr mđĭ klei bi hgŭm bruă duh mkra- mnia blei, bi liê leh anăn bruă ngă klă sĭt leh anăn dŭm bruă mkăn năng hŏng klei găl leh anăn klei čiăng mđĭ kyar grăp ala čar./.