Trương Thị Mai hưn mdah leh hdră êlan, hdră msir čiăng pŏk mlar lehanăn mđĭ hĭn boh tŭ hdră bi hgŭm plah wah dua ala čar hlăm bruă tuh tia mkra mjing, bruă dliê kmrơ̆ng h’ĭt kjăp, bi mlih mtah, mtrŭt mđĭ kyar bruă duh mkra, mnia mblei, duh bi liê. Ñu ăt mñă kơ klei bi trông êpul gưl dlông, bi hgŭm hlăm bruă Đảng, Anôk bruă kƀĭn ala, dŭm phŭn, dhar bruă lehanăn mjĕ mjuk mnuih ƀuôn sang.

Khua Anôk bruă kƀĭn ala Finland mñă, dua ala čar adôk mâo lu klei găl bi hgŭm hlăm dŭm bruă Finland mâo klei găl lehanăn Việt Nam dôk mâo klei čiăng, Việt Nam jing anôk jăk êdi kơ dŭm anôk bruă duh mkra Finland, dua ala čar brei mtrŭt mđĭ, mjing klei bi mlih kjăp lehanăn mđĭ klei bi hgŭm hlăm djăp mta ra bruă./.