Hdră anei mâo mta kñăm jing Khua lăn čar mâo leh klei blŭ hrăm hŏng Êpul gơ̆ng klei mjĕ giăm hŏng tač êngao Mi, êpul êya mâo 5000 čô hgŭm, mâo wăt phung khua êmua hđăp bruă kđi čar gưl dlông leh anăn phung khua bruă kđi čar, mâo lu klei hmăi kơ hdră êlan hŏng tač êngao mơ̆ng Mi.

Dưi lač gưl nao hlăm hruê kăm gưl dlông APEC leh anăn bi mguôp hŏng dŭm mta bruă dua tĭng mơ̆ng Khua lăn čar Võ Văn Thưởng, mô̆ ñu leh anăn êpul bi ala gưl dlông Việt Nam dưi tŭ jing jăk siam, đru mđĭ kơhưm bruă hŏng tač êngao mơ̆ng Việt Nam hlăm APEC leh anăn tar rŏng lăn, mbĭt anăn, đru mguôp klă klơ̆ng hlăm bruă hluê ngă klei bi klă mbĭt kơ ƀĭng hgŭm bi mguôp hdră êlan kluôm dhuôm Việt Nam – Mi mâo leh Khua gĭt gai Đảng Nguyễn Phú Trọng leh anăn Khua mil čhil Joe Biden mkŏ mjing hlăm mlan 9 mrâo êgao.