Gưl hriê čhưn dưi mkŏ mjing mơ̆ng hruê 11-13/1/2024. Leh knăm drông, Khua lăn čar Võ Văn Thưởng lehanăn Khua mil čhil Indonesia Joko Widodo djă akŏ êpul bi ala gưl dlông 2 ala čar mkŏ mjing leh hdră bi trông. Dua khua kiă kriê tŭ ư, hluê boh tŭ bi hgŭm giăm 70 thŭn êgao, brei hnưm ba klei bi mjĕ Ƀĭng hgŭm phŭn dua ala čar truh ti hnơ̆ng mrâo. Khua lăn čar Võ Văn Thưởng mñă Việt Nam bi mni lehanăn čang hmăng mđĭ hĭn klei bi mjĕ ƀĭng hgŭm phŭn hŏng Indonesia; hmăng hmưi Indonesia mkŏ mjing tŭ dưn Hdră ruah khua kluôm anăp truh, lŏ dơ̆ng đĭ kyar kjăp, đru mguôp hlăm hdră êđăp ênang, bi hgŭm hlăm krĭng lehanăn tar rŏng lăn. Dua khua kiă kriê tŭ ư mđĭ klei bhiăn hgŭm bruă dua nah, čih mkra Hdră kčah ngă bruă wưng 2024 – 2028 djŏ guôp hŏng klei mâo. Dua khua kiă kriê ăt tŭ ư brei hnưm ba klei bi mjĕ ƀĭng hgŭm phŭn plah wah dua ala čar truh ti hnơ̆ng mrâo.

Kha mil čhil Indonesia hlăm aguah hruê 12/1, nao dưm leh kwang mnga, nao čuă Msat Khua gĭt gai Hồ Chí Minh lehanăn Knưng bi hdơr kơ phung kahan jhŏng ktang djiê êngiă./.