. Boh nik mđĭ lar bruă klam bi hmô mơ̆ng knuă druh, đảng viên, boh nik phung knuă druh gĭt gai, kriê dlăng, phung gĭt gai dŭm anôk bruă hlăm bruă thâo săng hĭn kơ klei mĭn knhuah mngač Hồ Chí Minh. Gnag mkhư̆, msưh kdŭn toh hroh kơ klei mĭn, kđi čar, knhuah hdĭp kơ klei čŏng ngă, čŏng mĭn hlăm bruă Đảng.

Khua bruă Đảng ƀuôn prŏng Hà Nội Đinh Tiến Dũng brei thâo, hlăm klei ksiêm dlăng mơ̆ng Gưl dlông, bruă Đảng ƀuôn prŏng Hà Nội jing sa hlăm dŭm alŭ wăl ngă khua kluôm ala hŏng lu gru hmô thâo, hdră ngă bruă, bruă mjing hlăm klei hlue ngă tui hriăm knhuih hdĭp, knhuah hdĭp Hồ Chí Minh. Bi mklă, mđĭ lar dŭm boh tŭ dưi mâo, hlăm wưng kơ anăp bruă Đảng Hà Nội lŏ dơ̆ng bi mklă bruă tui hriăm leh anăn hlue ngă klei mĭn, knhuah mngač Hồ Chí Minh jing boh phŭn yuôm bhăn hlăm bruă mkŏ mjing, ƀư̆ mkra Đảng, đru mkŏ mjing bruă Đảng Hà Nội doh mngač, kjăp ktang, đru bi leh bruă klam kđi čar ƀuôn prŏng:

 “Lŏ dơ̆ng mlih mrâo ktang klei mĭn, hdră ngă, klei mbruă, tŭ dưn, mdrơ̆ng hŏng gru hmô mkŏ mjing mrâo leh anăn djŏ guôp hŏng boh sĭt mơ̆ng ƀuôn prŏng. Bi mklă, hdră kñăm mkŏ mjing mnuih Hà Nội jăk mơak, mđĭ lar ênoh yuôm jăk siam mơ̆ng Thăng Long - Hà Nội êbâo thŭn jăk siam. Mguôp hŏng bruă hlue ngă leh anăn hlue ngă klei mĭn, knhuah mngač Hồ Chí Minh hŏng klei bhiăn ngă bruă mơ̆ng phung knuă druh, phung mă bruă knŭk kna hlăm dŭm anôk bruă ti ƀuôn prŏng Hà Nội, klei bhiăn bi blŭ hrăm ti anôk hdĭp mda êpul êya ƀuôn prŏng leh anăn hdră kčah ngă bruă, mlih mrâo klei bhiăn mă bruă, mjing klei bi mlih ktang hlăm bruă hlue ngă mơ̆ng knuă druh ti ƀuôn prŏng Hà Nội.