Hlăm mmông drông, Khua knŭk kna čang hmăng kơ dua tĭng lŏ dơ̆ng mđĭ klei bi hgŭm hlăm bruă ksiêm hriăm kreh knhâo kdrăp mrâo hạt nhân êlam hĭn, sĭt hĭn, tŭ dưn hĭn, kyua hdră kñăm êđăp ênang, boh nik hlăm bruă rơ̆ng djăp êa pui êwa čuh, duh kơ klei hdĭp mnuih ƀuôn sang, hŏng hdră kčah bi hgŭm klă klơ̆ng, sui leh anăn dŭm hdră bruă klă klơ̆ng, ngă êjai mă klei thâo êjai, mơ̆ng anăn, pŏk mlar dŭm bruă klă klơ̆ng msĕ si bruă tuh tia mkra mjing, lŏ hma, mdrao mgŭn, dŭ mdiăng.

Khua Êpul grup Năng lượng Nguyên tử Russia bi mklă mơ̆ng tur knơ̆ng jăk siam, tĭng Russia leh anăn Rosatom čang hmăng lŏ dơ̆ng mđĭ klei bi hgŭm hŏng Việt Nam hlăm dŭm bruă mâo Khua knŭk kna lač leh, boh nik ksiêm dlăng kơ klei kreh knhâo hạt nhân leh anăn dŭm bruă mkăn msĕ si mđĭ kyar pui kmlă êran hŏng angĭn; srăng kah mbha klei thâo, đru kơ Việt Nam mđĭ klei thâo, mtô mnuih mă bruă hlăm dŭm mta bruă anei.