VOV4.Êđê- Aguah 18/5, ti kjhôč ksĭ Tuần Châu, ƀuôn prŏng Hạ Long, čar Quảng Ninh, Phŭn bruă lŏ hma leh anăn mđĭ kyar krĭng ƀuôn sang Việt Nam bi hgŭm hŏng Phŭn bryă lŏ hma krĭng ƀuôn sang China leh anăn Knơ̆ng bruă sang čư̆ êa čar Quảng Ninh mkŏ mjing knăm “mphưi mjeh lŏ bi lu jơr kan hdang krĭng kplang kwar Dưr thŭn 2022”. Mĭn tĭng srăng mâo êbeh 8 êklăk drei kan hdang dưi phưi hlăm knăm anei. Bruă ngă dôk hlăm jar hlue ngă Hră bi hdơr kơ klei pŏk ngă bi hgŭm phưi mjeh leh anăn răng mgang kan hdang hlăm Krĭng kplang kwar Dưr dưi bi siñê plah wah Khua phŭn bruă lŏ hma leh anăn mđĭ kyar krĭng ƀuôn sang Việt Nam leh anăn Khua phŭn bruă lŏ hma krĭng ƀuôn sang China ƀri gưl  Khua gĭt gai Đảng Nguyễn Phú Trọng nao čhưn ti China thŭn 2017. Mơ̆ng thŭn 2017 truh ară anei, dua tĭng mkŏ mjing tŭ jih 4 blư̆ phưi mjeh hlăm Krĭng Kplang kwar Dưr./.

                                               Pô mblang: H’Zawut Ƀuôn Yă