Klei bhiăn bi  hgŭm mâo Êpul kriê dlăng knông lăn Phổ Nhĩ, Anôk bruă ksiêm dlăng knông lăn mŭt kbiă hlăm ala čar Mường Khang (China), Anôk bruă gĭt gai kahan răng mgang knông lăn čar Điện Biên (Việt Nam) leh anăn kahan ksiêm čar Phông Sa Lỳ (Lào).

Hlue si boh phŭn kuôl kă, dŭm tĭng bi tŭ ư bi hgŭm hlăm klei bhiăn mtăp mđơr kơ klei dưi, mpŭ kơ klei dưi bi trông hdơ̆ng pô, bi hgŭm kjăp, tŭ dưn leh anăn bi đru. Dŭm bruă ngă phŭn mâo mkŏ mjing klei bi trông grăp gưl 2 thŭn/ blư̆ hlue si klei bi mlih tour; mđĭ kriê dlăng gĭt gai bi hgŭm hlăm dŭm wăl phŭn; pŏk ngă dŭm hdră msir rơ̆ng êđăp ênang hlăm dŭm knăm mơak,Tết leh anăn klei kđi čar yuôm bhăn mơ̆ng grăp ala čar. Bi ala kơ dŭm tĭng bi mklă, bruă mkŏ mjing klei bhiăn bi hgŭm tal anei kruăk knăl mđĭ kyar mrâo hlăm klei bi hgŭm plah wah êpul bruă djŏ tuôm tlâo ala čar Việt Nam- China- Lào, đru mkŏ mjing krĭng knông lăn êđăp ênang, bi hgŭm leh anăn đĭ kyar kjăp.