VOV4.Êđê - Aguah mbruê 26/8, ti anôk bruă knŭk kna, k’iăng Khua knŭk kna Vũ Đức Đam tŭ drông leh aduôn Caitlin Weisen, pô bi ala kơ hdră đĭ kyar mơ̆ng Êpul hgŭm lu ala čar (UNDP) ti Việt Nam, hriê bi tuôm ƀri wưng mjưh ruê̆ wưng păn bruă. k’iăng Khua knŭk kna Vũ Đức Đam mñă klă, Knŭk kna Việt Nam yap yuôm bhăn bruă klam mơ̆ng hdră mđĭ kyar mơ̆ng Êpul hgŭm lu ala čar hlăm klei đĭ kyar tar rŏng lăn leh anăn hơ̆k mơak ti anăp dŭm klei bi mguôp jăk siam plah wah Việt Nam hŏng UNDP mơ̆ng lu wưng 10 thŭn êgao. K’iăng Khua knŭk kna hmăng hmưi UNDP lŏ dơ̆ng bi mguôp hŏng WHO leh anăn dŭm ƀĭng hgŭm tar rŏng lăn mkăn mđĭ hĭn klei bi đru bruă mdrao mgŭn nah gŭ, bruă mdrao mgŭn mkăp, đru kơ Việt Nam mđĭ hĭn ai dưi mdrơ̆ng hŏng dŭm mta klei ruă tưp mgi dih, đru kơ Việt Nam ksiêm dlăng leh anăn mtrŭt bi hmar dŭm mta kñăm mđĭ kyar kjăp.

Y-Khem pô mblang