Hlăm gưl hriê čuă mơ̆ng Êpul bi ala gưl dlông Đảng Cộng sản  Cu-ba truh kơ Việt Nam, Aguah mbruê, Êpul bi ala gưl dlông Đảng Cộng sản Việt Nam mơ̆ng Trương Thị Mai, Khua hlăm êpul bruă Đảng ba anăp mâo leh klei blŭ hrăm hŏng êpul bi ala Đảng cộng sản Cuba.

Bi ala kơ gưl dlông Đảng Cộng sản Việt Nam, Trương Thị Mai hơ̆k mơak tŭ drông êpul bi ala mơ̆ng Đảng cộng sản Cuba hriê čuă leh anăn mă bruă ti Việt Nam, hrăm mbĭt mkŏ mjing klei kƀĭn trông hlăk mblang gưl tal 5 plah wah 2 Đảng, lŏ mñă klă klei mĭn mơ̆ng Việt Nam jing amâo mâo tŭ ư hŏng klei kwang dar Cuba, bi êdah klei đăo knang ti gŭ klei gĭt gai mơ̆ng Đảng cộng sản Cuba, Đảng, knŭk kna leh anăn mnuih ƀuôn sang Cuba srăng hluê ngă tŭ jing dŭm hdră mtrŭn klei kƀĭn kluôm tal 13. Hlăm klei blŭ hrăm, 2 tĭng bi trông, bi klă boh tŭ hluê ngă klei kuôl kă bi mguôp leh anăn bi trông wưng thŭn 2018 – 2023 plah wah 2 Đảng, boh nik jing dŭm mta klei bi mguôp msĕ si bi trông dŭm gưl, klei hlak mblang leh anăn boh sĭt, bruă mtô mjuăt phung knuă druh, bi mguôp hlăm bruă hâo hưn, hlăm dŭm klei kƀĭn, hdră bi mguôp tar rŏng lăn, tŭ ư mă klei mjĕ giăm Đảng jing tur knơ̆ng bruă kđi čar mđĭ klei bi mguôp 2 ala čar.