Klei bi kƀĭn yuôm bhăn răng mgang, lŏ dơ̆ng mđĭ lar ai tiê bi hgŭm yuôm bhăn mơ̆ng dua djuê ana Việt Nam – Cuba, boh nik hŏng phung mda asei ƀuôn prŏng. Klei bi hgŭm dua nah dưi mkŏ mjing leh anăn mđĭ kyar hlăm klei bi msĕ hƀuê ênuk dua djuê ana.

Êbeh 60 thŭn êgao, yap mơ̆ng hruê dua ala čar mkŏ mjing klei bi hgŭm (2/12/1960), dua djuê ana hrăm mbĭt hlăm klei bi blah kyua klei êngiê leh anăn hruê anei hrăm mbĭt kjăp ktang hlăm bruă mkŏ mjing leh anăn răng mgang čar kwar ala ƀuôn ngă phŭn ti grăp ala čar. Anei jing klei bi hgŭm ayŏng adei, jing ngăn drăp yuôm bhăn dua Đảng leh anăn yang ƀuôn dua ala čar Việt Nam - Cuba răng kriê, ksŭl mbŭ leh anăn lŏ mtô bi hriăm kơ ênuk êdei./.