VOV4.Êđê - Việt Nam mrâo dưi ruah jing ala čar hlăm Dhar bruă mlir knŭk kna- klei bhiăn gĭt gai, ktuê dlăng leh anăn hlue ngă Klei kuôl kă 2003 - wưng 2022-2026 mơ̆ng UNESCO, hŏng ênoh hră mplĕ lu. Anei jing klei tŭ mơ̆ng klei bi kƀĭn dŭm ala čar hlăm Klei kuôl kă răng mgang mnơ̆ng kriê pioh dhar kreh amâo êdah klă mơ̆ng UNESCO tal 9 ti Paris. Hlăm ênoh 12 ala čar dưi ruah ngă ala čar hrô kơ wưng 2022-2026, mâo 4 ala čar krĭng Asi - Pacific mâo Việt Nam, Malaysia, India leh anăn Bangladesh.  Dhar bruă mlir knŭk kna Klei kuôl kă 2003 mâo 24 ala čar, jing anôk bruă gĭt gai yuôm bhăn mơ̆ng UNESCO kơ klei răng mgang dhar kreh amâo êdah klă, klam bruă ktuê dlăng hlue ngă klei kuôl kăm kčĕ dŭm hdră msir răng mgang mnơ̆ng kriê pioh amâo êdah klă, đru kơ lu ala čar, ksiêm dlăng dŭm hră mơar hưn mdah čih anăn… čiăng kơ Êpul gơ̆ng Klei kuôl kă bi mklă. Anei jing tal 2 Việt Nam klam bruă anei ti anôk bruă gĭt gai phŭn kơ dhar kreh UNESCO./.

H’ Zawut  pô mblang