Hlue anăn, yap mơ̆ng mlan 01/2025 truh jih thŭn 2027, Việt Nam srăng hgŭm gĭt gai mkŏ mjing leh anăn pŏk ngă dŭm hdră tă prŏng mơ̆ng UN Women, rơ̆ng hdră bruă leh anăn bruă ngă mơ̆ng anôk bruă anei bi sa anăn hŏng dŭm hdră kñăm leh anăn hdră êlan kluôm mơ̆ng Êpul hgŭm lu ala čar kơ klei mđĭ mtăp mđơr êkei mniê leh anăn mđup brei klei dưi kơ phung mniê.

Jing ala čar mơ̆ng Êpul hgŭm kiă kriê, Việt Nam ăt srăng hgŭm hlăm hdră bi mklă dŭm hdră êlan, hdră ngă bruă ăt msĕ mơh dŭm hdră mtrŭn kơ hră mơar, ngăn prăk leh anăn prăk knŭk kna mơ̆ng UN Women. Bruă jih jang ala čar hlăm ECOSOC tŭ ư ruah Việt Nam hlăm Êpul gơ̆ng kiă kriê UN Women bi êdah klei čih yap leh anăn bi mni mơ̆ng êpul êya ala tač êngao hŏng dŭm hdră êlan, boh tŭ kơ klei mđĭ kyar mtăp mđơr êkei mniê leh anăn klei gĭr bi hgŭm ala tač êngao mơ̆ng Việt Nam hlăm bruă anei, mbĭt anăn đăo knang Việt Nam srăng đru mguôp jăk hlăm bruă gĭt gai mơ̆ng UN Women hlăm wưng kơ anăp.