Klei bi kƀĭn tal 10 mŏng Êpul hgŭm Kuôl kă 2003 kơ bruă răng mgang knhuah gru dhar kreh amâo êdah klă mâo leh klei nao hgŭm mŏng 183 ala čar hgŭm lehanăn êbeh 100 čô mă bruă ksiêm dlăng. Blŭ ti knăm mphŭn pŏk klei bi kƀĭn, Kơiăng khua phŭn bruă hŏng tač êngao, Hà Kim Ngọc mñă klă Việt Nam hŏng 15 knhuah gru dhar kreh amâo êdah klă dưi bi mni, 550 knhuah gru dhar kreh amâo êdah klă gưl ala čar, mđing răng kriê nanao knhuah gru amâo êdah klă, amâo mdei mkŏ mkra lehanăn bi leh hdră mtrŭn, hdră bhiăn mŏng ala čar, giăm anei hĭn jing Hdră ala čar kñăm kơ bruă mđĭ kyar dhar kreh truh kơ thŭn 2045, Hdră bhiăn knhuah gru dhar kreh mkra mlih.

Dŭm ala čar hgŭm hlăm Klei kuôl kă 2003 bi mni kơ dŭm klei thâo lehanăn klei gĭr mơ̆ng Việt Nam hlăm bruă răng mgang, mđĭ lar knhuah gru dhar kreh amâo êdah klă đru răng mgang mjêč dŭm knhuah gru huĭ srăng luič ram, kriê kjăp knhuah gru bi ala kơ anak mnuih tar rŏng lăn lehanăn hưn mthâo gru hmô knhuah gru dưi răng mgang kjăp hlăm tar rŏng lăn./.