VOV4.Êđê - Lŏ dơ̆ng dŭm bruă đru kčĕ mnia mblei dŭm mta boh mnga bruă lŏ hma Việt Nam, Aguah mbruê 22/7, anôk bruă mtrŭt mđĭ klei mnia mblei (Phŭn bruă tuh tia) bi mguôp hŏng dŭm anôk bruă mnia mblei mơ̆ng Việt Nam ti ala tač êngao leh anăn knơ̆ng bruă tuh tia čar Dak Lak mkŏ mjing bruă đru kčĕ ba čhĭ boh durian mơ̆ng Việt Nam ti ala tač êngao.

Kluôm ala ară anei mâo hlăm brô 85.000ha, hnơ̆ng boh mnga grăp thŭn giăm 670.000 tôn. Đăo knăl truh ti thŭn 2025 srăng truh kơ 1 êklăk tôn. Dak Lak leh anăn Tiền Giang jing 2 čar mâo ênhă pla mjing leh anăn boh mnga ba lu hĭn ti ala čar. Mnơ̆ng dhơ̆ng mơ̆ng boh durian lu jing dưi ba čhĭ hŏng kƀluôn leh anăn bi ăt, ba čhĭ kơ anôk mnia mblei China, Đài Loan, mâo đa đa ba čhĭ kơ Japon. Hlăm klei đru kčĕ, phung thơ̆ng kơ bruă, phung bi ala dŭm anôk mnia mblei Việt Nam ti China, Đài Loan, Japon, Australia, Thailand mtă kơ dŭm knơ̆ng bruă Việt Nam kơ klei ba mnơ̆ng dhơ̆ng hlăm anôk mnia mblei, hnơ̆ng tŭ jăk mnơ̆ng dhơ̆ng,   hdră dŭ mdiăng, ênua mnơ̆ng dhơ̆ng mnia mblei, mgaih msir dŭm klei dleh kpăk tăm mâo hlăm bruă ba čhĭ mnơ̆ng dhơ̆ng mơ̆ng boh durian kơ anôk mnia mblei ala tač êngao.

Y-Ƀel pô mblang