Thŭn anei, hŏng bruă klam jing Khua Knơ̆ng bruă ASEAN kriê dlăng yan adiê, Việt Nam gĭr ktưn bi êdah bruă klam atăt gai hlăm ASEAN amâo djŏ knŏng hlăm dŭm mta bruă êđăp ênang, duh mkra đuč ôh ƀiădah lŏ bi êdah hlăm klei dhar kreh, ala ƀuôn, lŏ jing rơ̆ng êđăp ênang kơ êpul êya mơ̆ntg yan adiê ngă. ASEAN jing krĭng ênưih êka ti anăo klei yan adiê ngă msĕ si angĭn êbŭ, adiê không, mgei lăn leh anăn čư̆ pui bluh…

Dŭm klei gĭr bi hgŭm ASEAN kơ klei kriê dlăng yan adiê đru mđĭ klei dưi mdrơ̆ng leh anăn bi hrŏ klei yan adiê ngă kơ dŭm ala čar hgŭm; mbĭt anăn, hŏng ai tiê đua klam, dŭm ala čar ASEAN ăt ƀuăn hlue ngă hnơ̆ng trah dlăng ASEAN čiăng jing krĭng ba anăp dlông rŏng lăn kơ klei kriê dlăng yan adiê mơ̆ng klei bi trông, kah mbha klei thâo mơ̆ng boh sĭt, ăt msĕ mơh đru mguôp hlăm dŭm klei gĭr kluôm rŏng lăn kơ klei mdrơ̆ng hŏng klei yan adiê ngă./.