VOV4.Êđê - Hdră mplĕ hră ruah dŭm ala čar mrâo hlăm Êpul hgŭm klei dưi êngiê anak mnuih Êpul hgŭm lu ala čar wưng thŭn 2023 – 2025, hlăm anăn Việt Nam jing sa ala čar mgơ̆ng ruah hruê 11/10 mkŏ mjing leh ti Klei bi kƀĭn Êpul hgŭm lu ala čar tal 77 ti New York.

14 ala čar dưi ruah hlăm ênoh jih jang 17 ala čar, bi ala kơ 5 êpul ala čar mâo: Afrĭk, Asi – Pacifik, Ngŏ Ơrôp, Mi Latino lehanăn Caribe, Yŭ Ơrôp lehanăn dŭm ala čar mkăn. Êpul Asi - Pacifik mâo klei bi ktưn lu hĭn hlăk mâo 6 ala čar mgơ̆ng ruah, hlăk knŏng mâo 4 boh mdhô̆ lehanăn dŭm ala čar djŏ ruah mâo Việt Nam, Bangladesh, Kyrgyzstan lehanăn Maldives. Hŏng 145 hlăm ênoh 189 pŏk hră sa ai, Việt Nam gưl tal 2 mŭt hlăm Êpul hgŭm anei leh tuôm păn ngă tŭ jing bruă klam anei wưng thŭn 2014 – 2016./.

VOV TâyNguyên/Pô mblang: H’Nêč Êñuôl