VOV4.Êđê- Aguah 5/4, ti Hà Nội mkŏ mjing “Knăm bi siñê Hră bi hdơr kơ klei bi hgŭm hlăm klei bi hriăm bruă plah wah Knŭk kna ala čar yang ƀuôn ngă phŭn Việt Nam leh anăn Knŭk kna ala mtao Ăngle leh anăn Dưr Ailen. Khua phŭn bruă mnuih mă bruă - kahan êka êkeh leh anăn ala ƀuôn Đào Ngọc Dung bi ala kơ Knŭk kna Việt Nam leh anăn Khua bi ala ala mtao Ăngle leh anăn Dưr Ailen ti Việt Nam bi aka kơ Knŭk kna Ala mtao Ăngle leh anăn Dưr Ailen bi siñê hră bi hdơr. Dŭm boh phŭn mơ̆ng Hră bi hdơr mâo: Kah mbha klei thâo kơ klei bi hriăm bruă; đru mkŏ mjing leh anăn ngă hdră êlan bi hriăm bruă hơĭt kjăp; bi hgŭm mkra mđĭ klei thâo kriê dlăng, gĭt gai, mtô bi hriăm leh anăn lač kơ klei thâo ti dŭm anôk bi hriăm bruă ti Việt Nam; mđĭ hdră bruă mrô hlăm klei bi hriăm online; mkra mđĭ jar klei bhiăn bi hriăm bruă; pŏk ngă dŭm hdră hriăm klei blŭ djŏ guôp hŏng klei bi hriăm bruă.

Pô mblang: H’Zawut Ƀuôn Yă