Việt Nam leh anăn Singapore bi myuôm mtrŭt mđĭ bruă ngăn prăk mtah leh anăn ngăn prăk mrô
Thứ tư, 08:16, 07/08/2024
VOV Tây Nguyên
VOV Tây Nguyên
VOV4.Êđê - Hlăm gưl nao čuă ala čar Singapore (5-6/8), Khua Phŭn bruă Ngăn prăk Hồ Đức Phớc mâo leh dŭm klei bi tuôm, mă bruă hŏng khua Phŭn bruă ngăn prăk leh anăn anôk bruă ngăn prăk Singapore, mñă ktang klei găl bi mguôp dôk lu sơnăk, boh nik hlăm bruă ngăn prăk mtah leh anăn ngăn prăk mrô.
Hluê si Khua phŭn bruă ngăn prăk chính Hồ Đức Phớc, Singapore jing ƀĭng hgŭm yuôm bhăn mơ̆ng Việt Nam hlăm djăp mta bruă. Hlăm wưng klei mjĕ giăm – bruă hŏng tač êngao đĭ kyar jăk siam msĕ ară anei, dua ala čar ăt mâo lu klei găl čiăng mtrŭt agha êlam hĭn klei bi mguôp, hlăm anăn mâo bruă ngăn prăk.
Khua phŭn bruă chính Hồ Đức Phớc brei thâo, Việt Nam mđing tal êlâo hdră hdră ba mdah ngăn prăk mtah leh anăn mkŏ mjing anôk tŭ yap hnơ̆ng carbon čiăng djăp mta knăm êwa čhŏ knar hŏng 0 ti thŭn 2050 msĕ si klei ƀuăn hlăm COP-26. Êngao kơnăn, Khua phŭn bruă hmăng hmưi tiŏ nao mnuih nao ti Singapore čiăng hriăm amâodah iêo jak phung thơ̆ng kơ bruă Singapore hriê mtô kơ knuă druh Việt Nam hlăm bruă ngăn prăk leh anăn ngăn prăk mrô.
Viết bình luận