Hlăm klei bi trông, K’iăng Khua lăn čar bi mni kơ klei bi hgŭm, đru mơ̆ng UNICEF kơ Việt Nam giăm 50 thŭn êgao hlăm bruă mkŏ mjing leh anăn pŏk ngă dŭm hdră êlan kriê dlăng, mtô bi hriăm leh anăn răng mgang phung hđeh. Khua gĭt gai UNICEF bi mklă srăng jih ai tiê bi hgŭm, đru kơ Việt Nam lŏ dơ̆ng pŏk ngă Hdră bi hgŭm ala čar Việt Nam - UNICEF wưng 2022-2026 leh anăn rơ̆ng  grăp hruê jăk hĭn kơ klei dưi phung hđeh, boh nik kơ bruă sang hră, mdrao mgŭn, hriăm mbŏ, ba yua êa doh leh anăn hdră bi mdoh.

Dua tĭng bi  tŭ ư mđĭ klei bi hgŭm plah wah Việt Nam leh anănUNICEF  čiăng đru kơ Việt Nam dưi mâo lu klei tŭ hĭn hlăm bruă kriê dlăng leh anăn răng mgang phung hđeh, ăt msĕ mơh đru mguôp hlăm klei gĭr kluôm rŏng lăn hlăm bruă anei, djŏ guôp  hŏng kơhưm ƀrư̆ đĭ mơ̆ng Việt Nam.