VOV4.Êđê- Aguah anei (18/7), ti Hà Nội mkŏ mjing leh knăm bi hdơr 60 thŭn hrue mkŏ mjing klei mjĕ mgiăm Việt Nam – Lao lehanăn 45 thŭn ngă klei kuôl kă hgŭm mbĭt lehanăn hgŭm bruă plah wah dua ala čar. Khua gĭt gai Đảng Nguyễn Phú Trọng, lehanan k’iăng khua ala čar Lao Bounthong Chitmany kiă kriê lehanăn mâo klei blŭ ti anôk bi hdơr. Knăm bi hdơr 60 thun hrue mkŏ mjing klei mjĕ mgiăm, lehanăn 45 thŭn hrue kuôl kă klei hgŭm mbĭt, lehanăn hgŭm bruă Việt Nam – Lao dưi yap jing sa klei kruak knăl yuôm bhăn hlăm bruă bi hgŭm, hŏng klei bi mguôp, lehanăn hgŭm bruă kluôm dhuôm Việt Nam – Lao, jing wưng čiăng lŏ bi hdơr hƀuê ênuk kdrăm k’ah bi mguôp hlăm klei bi blah Việt Nam – Lao, bi đru hlăm hdră êlan êngiê, êlâo êdei ăt msĕ plah wah dua Đảng, dua knŭk kna lehanăn phung ƀuôn sang dua ala čar kơ klei bi blah sua mă klei êngiê kơ djuê ana, lehanăn răng mgang lăn čar. Anei jing klei yuôm bhăn năng lŏ mđĭ hĭn bruă hâo hưn kơ phung ƀuôn sang, boh nik hŏng hđeh gưl mrâo kơ klei yuôm bhăn hlăm klei bi mguôp Việt Nam – Lao./.

Pô mblang: Y-Khem Niê