Ti anôk bi tuôm, dua khua kiă kriê tŭ ư mtrŭt mđĭ Klei bi mjĕ ƀĭng hgŭm phŭn kluôm dhuôm kyua klei êđăp ênang, hgŭm bruă lehanăn đĭ kyar hơĭt kjăp plah wah Việt Nam lehanăn Mi ƀrư̆ hruê ƀrư̆ klă sĭt, tŭ dưn, hlăm anăn mâo bruă hnưm siñê Klei kuôl kă bruă mnia mblei Việt Nam – Mi hluê hdră mdtăp mđơr, mtrŭt mđĭ hdră duh bi liê mơ̆ng Mi hlăm Việt Nam.

Hluê si klei ba mdah mơ̆ng Khua knŭk kna Phạm Minh Chính, Khua mil čhil Donald Trump mâo leh klei bi êdah wĭt lehanăn bi mklă Việt Nam jing sa hdră duh mkra wăl anôk bi mnia mblei, ba Việt Nam kbiă mơ̆ng anăn ba čhĭ mnơ̆ng kơ ala tač êngao hluê wưng, mbĭt anăn brei phung khua gưl dlông Mi msĕ si Khua phŭn bruă Ngăn prăk, bi ala bruă mnia mblei nao ti Klei bi kƀĭn hnưm mâo klei wĭt lač kơ dŭm bruă anei kơ Việt Nam./.