VOV4.Êđê - Khua knŭk kna Phạm Minh Chính mrâo gĭt gai klei kƀĭn tui ngă klei ƀuăn rơ̆ng mơ̆ng Việt Nam hlăm klei kƀĭn tal 26 dŭm ala čar nao hgŭm hlăm klei kuôl kă mơ̆ng Êpul hgŭm lu ala čar kơ klei mlih yan adiê (COP26). Blŭ hlăm klei kƀĭn anăn, Khua knŭk kna Phạm Minh Chính lač klă, klei mlih yan adiê, bi hrŏ hnơ̆ng carbon, mđĭ kyar kjăp jing mta kñăm prŏng mơ̆ng êpul êya tar rŏng lăn.

Anei jing boh klei tar rŏng anăn, kyuanăn čiăng mâo klei nao hgŭm mơ̆ng jih jang ala čar. Êngao kơ anăn, Khua knŭk kna lŏ ktrâo klă bruă klam mơ̆ng dŭm phŭn, dhar bruă, alŭ wăl hlăm bruă tui nhă klei ƀuăn rơ̆ng, mâo klei mĭn kjăp leh anăn sa ai, klei gĭr ktưn, ngă bruă ktang hĭn, mâo mta kñăm, ti bruă ngă leh bruă anăn.

Y- Ƀel pô mblang