VOV4.Êđê- Dŭm klei bi kƀĭn mơ̆ng dhar bruă kiă kriê mkŏ ASEAN, lehanăn klei bi kƀin bi mguop ASEAN tal 13 mkŏ mjing ti Pnhom Penh, ala čar Campuchia mơ̆ng hrue 1 – 4 /10. Khua bi ala Nguyễn Hải Bằng, Khua êpul mơ̆ng knŭk kna Việt Nam ti ASEAN djă akŏ êpul Việt Nam nao ti anôk bi kƀĭn, klei bi kƀĭn tal 3 thŭn anei, dŭm ala čar bi myuôm klei jăk bruă hlue ngă hdră mkŏ ASEAN truh thŭn 2025.

Klei bi kƀĭn Dhar bruă mkŏ klei bi mguôp ASEAN lehanăn klei bi kƀĭn ASEAN tal 13

Dŭm ala čar bi mklă klei lŏ hyuă kjăp hĭn hdră bi đru kñăm bi mguôp kjăp hlăm êpul hgŭm, lehanăn bi mguôp hŏng dŭm ala čar hgŭm, truh kơ klei lŏ bi kơrŭ wĭt bruă duh mkra. Klei bi kƀĭn tal 13 thŭn anei mâo anăn: “Mđĭ hĭn klei bi mguôp anăp truh kơ klei êpul hgŭm mđĭ kyar kjăp êdei kơ thŭn 2025”. Hlăm 3 klei trông čhai, phung bi ala bi hâo hưn, bi đru, lehanăn kah mbha hdră êlan bi mguôp hlăm ASEAN êdei kơ thŭn 2025, mkŏ mjing bruă nah gŭ lehanăn bruă mrô hŏng klei kjăp hlăm klei bi mguôp./.

Pô mblang: Y-Khem Niê