VOV4.Êđê - Mlan mmăt hrue mbrue (27/3), ti wăl tač Đinh Tiên Hoàng Đế, čar Ninh Bình kdrăm k’ah mkŏ mjing knăm bi hdơr 200 thŭn hrue bi anăn Ninh Bình, lehanăn 30 thŭn hrue mkŏ mjing čar. Bi ala kơ phung khua kiă kriê Đảng, Knŭk kna Võ Văn Thưởng Khua Êpul bruă kiă kriê bruă Đảng gưl dlông hơêč hmưi, bi mni kơ dŭm boh tŭ dư̆n bruă Đảng, bruă sang čư̆ êa lehanăn phung ƀuôn sang čar Ninh Bình mâo leh hlăm dŭm thŭn êgao.

Bi hdơr 200 thŭn hrue bi anăn Ninh Bình, lehanăn 30 thŭn hrue mkŏ mjing čar jing wưng čiăng kơ Đảng, lehanăn phung ƀuôn sang čar Ninh Bình lŏ bi hdơr wang êlan kdrăm k’ah, mjing ai ktang lehanăn bruă nga bi tŭ jing mơ̆ng grăp êpul bruă Đảng, grăp čô knuă druh, đảng viên, lehanăn phung ƀuôn sang Ninh Bình hlăm wưng kơ anăp, ktưn truh kơ thŭn 2030, Ninh Bình jing leh čar đĭ kyar hlăm alŭ wăl Dap Mnai krông Hồng, Võ Văn Thưởng mñă, Ninh Bình lŏ dơ̆ng dưn yua jih ai ktang, klei găl pô bi mguôp hŏng alŭ wăl kwar Dưr, Kwar Krah, lehanăn Yŭ Dưr dôk hlăm ênoh 4 kiêng mđĭ kyar bruă duh mkra mâo Hà Nôị - Hải Phòng – Quảng Ninh – Thanh Hoá./.

Y-Khem pô mblang