VOV4.Êđê-  Aguah mbrue (22/6), ti Hà Nội, Êpul khua kiă kriê bruă Đảng gưl dlông mkŏ mjing leh klei bi kƀĭn bi lar lehanăn hlue ngă hdră mtrŭn mrô 15 mơ̆ng phŭn bruă kđĭ čar hrue 5/5/2022, kơ hdră mđĭ kyar ƀuôn prŏng Hà Nội truh thŭn 2030, lehanăn tă hdră truh kơ thŭn 2045. Blŭ gĭt gai klei bi kƀĭn Võ Văn Thưởng lač, hdră mtrŭn mrô 15 bi êdah klă kơ mta kñăm, bruă mđĭ kyar ƀuôn prŏng phŭn Hà Nội truh thŭn 2030, lehanăn tă hdră truh thŭn 2045, tui si klei kčĕ mơ̆ng dŭm phŭn dhar bruă, Võ Văn Thưởng mtă leh kơ bruă Đảng ƀuôn prŏng Hà Nội mkŏ mjing kơ knuă druh, đảng viên, lehanăn phung ƀuôn sang ksiêm hriăm kơ hdră mtrŭn, kñăm mâo klei thâo săng, lehanăn bruă klam kơ klei rŭ mdơ̆ng ƀuôn prŏng Hà Nội hlăm dŭm thŭn tinăp. Mbĭt hŏng anăn ƀuôn prŏng lŏ dơ̆ng dưn yua jih ai ktang, klei găl pô mâo leh čiăng bi hgŭm hŏng kluôm ala, lehanăn klei đru mơ̆ng ala tač êngao rŭ mdơ̆ng ƀuôn prŏng phŭn dhar kreh, jing anôk phŭn kơ kđi čar, jing tiê boh lăn čar./.

         Pô mblang: Y-Khem Niê