Hruê 15/6, lŏ dơ̆ng gưl mă bruă ti dŭm čar kwar Krah, Đỗ Tiến Sỹ,  Khua Sang mđung asăp blŭ Việt Nam (VOV) ngă khua êpul mă bruă mơ̆ng VOV mă bruă hŏng Nguyễn Hải Ninh,  Khua dlăng bruă Đảng čar Khánh Hòa leh anăn dŭm dhar bruă djŏ tuôm bi trông kơ klei bi hgŭm mkŏ mjing hdră ksŏ mmuiñ “ktang, mdrŏng mơ̆ng êa ksĭ ƀuôn sang”.

Hdră kdŏ mmuiñ anei mơ̆ng Sang mđung asăp blŭ Việt Nam bi hgŭm hŏng Anôk bruă hâo hưn mtô mblang gưl dlông, Knơ̆ng bruă kđi čar lĭng kahan yang ƀuôn Việt Nam- Phŭn bruă lĭng kahan leh anăn Knơ̆ng bruă sang čư̆ êa čar Khánh Hòa. Hdră sui 90 mnĭt, mĭn tĭng mkŏ mjing hlăm mmăt hruê 15/8/2023  ti Sang hră lĭng kahan, ƀuôn prŏng Nha Trang. Anei jing  hdră mâo hnơ̆ng prŏng ala čar. Boh phŭn hdră lŏ dlăng wĭt boh tŭ hlue ngă Hdră mtrŭn Klei bi kƀĭn XIII mơ̆ng Đảng ti dŭm krĭng êa ksĭ, plao ksĭ mơ̆ng akŏ wưng truh ară anei. Hdră kdŏ mmuiñ “Ktang, mdrŏng mơ̆ng êa ksĭ ƀuôn sang” hâo hưn kơ ai tiê khăp kơ êa ksĭ mơ̆ng mnuih ƀuôn sang Việt Nam; klei čiăng mđĭ kyar bruă duh mkra êa ksĭ Việt Nam leh anăn răng mgang klei dưi êa ksĭ, plao ksĭ čar kwar…