Blŭ hrăm hlăm anôk bi kƀĭn, Khua hlăm bruă Đảng gưl dlông, Khua Sang mđung asăp blŭ Việt Nam Đỗ Tiến Sỹ mñă klă, hlăm ktuê êlan 30 thŭn êgao, êpul knuă druh, phung mă bruă hlăm Anôk bruă mđung asăp djuê ƀiă mâo leh lu klei đru mguôp yuôm bhăn hlăm klei tŭ jing mbĭt mơ̆ng hƀuê ênuk êbeh 78 thŭn mkŏ mjing Asăp blŭ Việt Nam leh anăn mđĭ thiăm ênoh yuôm, ai ktang hâo hưn mtô mblang mơ̆ng sa Anôk bruă klei mrâo, hâo hưn phŭn, lu kdrăp mđing kơ lu phung dôk hmư̆ hlăm leh anăn ala tač êngao.

Hlăm wưng mrâo, brei mđĭ klei mkra mlih kjăp êpul bi hgŭm jih jang djuê ana, mđĭ lar hĭn klei ktang hlăm bruă klam, klei đru mguôp mơ̆ng dŭm gưl yang ƀuôn, kơrŭ wĭt leh anăn mđĭ lar djăp klei găl, klei mbruă mơ̆ng grăp čô mnuih Việt Nam, kơrŭ wĭt klei čang hmăng mđĭ kyar mơ̆ng jih djuê ana. Ƀri gưl anei, Anôk bruă mđung asăp djuê ana Sang mđung asăp blŭ Việt Nam, dŭm Phŭn, dhar bruă gưl dlông, alŭ wăl mđup brei Hră pah mni tŭ yap klei đru mguôp jăk, tŭ dưn mơ̆ng phung knuă druh, phung čih mkra hdră ƀri gưl bi hdơr 30 thŭn mkŏ mjing.