VOV4.Êđê - Ti anôk bi kƀĭn mtrŭt mđĭ hdră duh bi liê hlăm Wăl tuh tia mkra mjing ênuk mrâo ƀuôn prŏng Hồ Chí Minh, aguah hruê 27/6, Anôk bruă sang čư̆ êa ƀuôn prŏng Hồ Chí Minh jao leh Klei bi mklă tŭ ư hdră mtrŭn duh bi liê kơ Hdră R&D – Anôk bruă ksiêm hriăm lehanăn mjuăt bi hriăm thơ̆ng kơ mnuih ruă êbuh đih S.I.S ƀuôn prŏng Hồ Chí Minh (Êpul group rŭ mdơ̆ng Hòa Bình) lehanăn Hră bi mklă duh bi liê kơ Hdră bruă mơ̆ng anôk bruă Điện tử Samsung HCMC CE Complex. Leh 20 thŭn ngă bruă, truh ară anei, Wăl tuh tia mkra mjing ênuk mrâo ƀuôn prŏng Hồ Chí Minh mkăp leh hră bi mklă duh kơ 163 hdră bruă hŏng êbeh 12 êklai USD. Hlăm anăn, prăk duh mơ̆ng ala tač êngao êbeh 10 êklai USD, prăk hlăm ala čar giăm 2 êklai USD. Dŭm anôk bruă duh mkra amâo djŏ knŏng mă bruă tŭ dưn ƀiădah lŏ mđĭ prăk duh bi liê, pŏk mlar hdră duh mkra hlăm Wăl anôk tuh tia mkra mjing anei, đru mguôp yuôm bhăn hlăm ênoh prăk bi mnia mblei hŏng tač êngao mơ̆ng ƀuôn prŏng Hồ Chí Minh./.

            H’Nêc pô mblang