Hŏng ai tiê “Bi hgŭm - Êngiê- Đua klam- Mlih mrâo - Đĭ kyar”, klei bi kƀĭn kčah leh lu hdră kñăm, bruă klam yuôm bhăn kñăm mđĭ ktang klei tŭ ư ala ƀuôn, mđĭ lar ai ktang êpul bi hgŭm jih jang djuê ana. Hlue si klei hưn mdah hlăm klei bi kƀĭn, hlăm 5 thŭn êgao, bruă ngă mơ̆ng bruă mặt trận dŭm gưl leh anăn dŭm êpul bruă ti čar Dak Lak mâo lu klei mlih mrâo, ngă bruă klam phŭn hlăm dŭm hdră bruă leh anăn bruă kđi čar ala ƀuôn.

Klei bi kƀĭn bi tŭ ư ruah 93 ccô hlăm Knơ̆ng bruă mặt trận čar Dak Lak gưl XV, wưng 2024-2029. Y Giang Gry Niê Knơng lŏ djŏ ruah Khua Knơ̆ng bruă mặt trận čar Dak Lak gưl mrâo. Y Giang Gry lač, hlăm wưng kơ anăp, bruă mặt trận dŭm gưl ti Dak Lak lŏ dơ̆ng mđĭ hnơ̆ng jăk, tŭ dưn ktuê dlăng leh anăn bi tăng mgăl ala ƀuôn, mđĭ lar klei êngiê leh anăn mđĭ klei bi hgŭm.