VOV4.Êđê- Khua knŭk kna Phạm Minh Chính bi mklă ruah Y Vinh Tơr, Khua mkăp hlăm Anôk bruă Đảng gưl dlông, Khua Anôk bruă Đảng čar, Khua êpul gơ̆ng bruă ƀuôn sang čar, Khua êpul bi ala anôk bruă kƀĭn ala gưl XV čar Dak Lak păn ngă K’iăng khua phŭn bruă, K’iăng khua Dhar bruă Djuê ana. Y Vinh Tơr kkiêng thŭn 1976; ti čar Dak Lak. Hnơ̆ng hriăm lý luận chính trị cao cấp, Thạc sĩ kriê dlăng bruă knŭk kna, Kỹ sư bruă dliê kmrơ̆ng.

Y Vinh Tơr tuôm mă bruă ti Anôk bruă Đoàn čar Dak Lak lehanăn păn lu bruă hlăm čar. Ti anôk bi kƀĭn phung bi ala kluôm ala tal XIII mơ̆ng Đảng, Y Vinh Tơr dưi ruah ngă Khua mkăp hlăm Anôk bruă Đảng gưl dlông. Mơ̆ng mlan 3/2021 - 6/2021, păn ngă K’iăng khua Êpul gơ̆ng bruă ƀuôn sang čar Dak Lak. Mơ̆ng mlan 7/2021-6/2022 păn ngă Khua Êpul gơ̆ng bruă ƀuôn sang čar Dak Lak; Pô bi ala Anôk bruă kƀĭn ala gưl XV lehanăn Khua êpul bi ala anôk bruă kƀĭn ala čar Dak Lak./.

                                                    Pô mblang: H’Nêč Êñuôl