VOV4.Êđê- Tlam mbruê 10/12, ti Hà Nội, phŭn bruă hŏng tač êngao mkpŏ mjing kdưh k’ang knăm bi hdơr 100 thŭn hruê k’kiêng Nguyễn Cơ Thạch, êlâo dih jing khua phŭn bruă kđi čar, kiăng khua gĭt gai êpul hgŭm khua phŭn bruă, khua phŭn bruă hŏng tač êngao (1921 – 2021). Knăm anei jing sa hlăm dŭm bruă ngă êdah kdlưn hlăm dŭm bruă kđi čar mâo: Klei kƀĭn trông bruă hŏng tač êngao kluôm ala, klei kƀĭn trông bruă hŏng tač êngao tal 31, klei kƀĭn trông bruă hŏng tač êgnao tal 20 kñăm ngă hră mbĭt, kluôm ênŭm hdră êlan hlăm klei kƀĭn kluôm tal 13 mơ̆ng Đảng. Blŭ hlăm knăm bi hdơr hruê k’kiêng anei, khua phŭn bruă hŏng tač êngao Bùi Thanh Sơn lŏ mñă kơ klei mă bruă cách mạng hing ang mơ̆ng Nguyễn Cơ Thạch ba leh lu klei hriăm yuôm bhăn hŏng bruă mđĭ kyar ala čar leh anăn bruă hŏng tač êngao ară anei.

Pô mblang: Y-Ƀel Êban