VOV4.Êđê - Aguah hruê 22/12, ti ƀuôn sang Đại tướng Võ Nguyên Giáp ti čar Quảng Bình, Anôk kriê dlăng bruă Đảng gưl dlông, Anôk bruă kƀĭn ala, Khua lăn čar, Knŭk kna, Dhar bruă mặt trận čar kwar Việt Nam lehanăn čar Quảng Bình mkŏ mjing leh Knăm bi hdơr 110 thŭn Hruê kkiêng Đại tướng Võ Nguyên Giáp.

Knăm bi hdơr anei kñăm bi mni lehanăn lač jăk kơ dŭm klei đru mguôp prŏng prĭn mơ̆ng Đại tướng hŏng hdră bruă kdơ̆ng mblah mtlaih êngiê djuê ana, hluh lir lăn čar, mkŏ mkra lehanăn răng mgang lăn čar Việt Nam yang ƀuôn ngă phŭn; mñă klă bruă klam kiă kriê mơ̆ng Đảng Cộng sản Việt Nam, Khua gĭt gai Hồ Chí Minh lehanăn phung khua êmua mă bruă kgŭ krŭ kdơ̆ng êdah êdi hlăm hdră bruă kdơ̆ng mblah mtlaih êngiê djuê ana, ba wĭt klei êđăp ênang, hluh lir lăn čar lehanăn mkŏ mkra, răng mgang lăn čar. Sang mđung asăp blŭ Việt Nam srăng hưn mdah bruă anei mơ̆ng ƀuôn prŏng Đồng Hới, čar Quảng Bình hluê hdră mđung klei mrâo VOV 1./.

H’Nêč pô mblang