VOV4.Êđê - Djŏ tuôm kơ bruă mđĭ ênoh čhĭ kit ksiêm dlăng kman klei ruă Covid 19 mơ̆ng Anôk bruă Việt Á. Aguah 21/12, Nay Phi La, khua knơ̆ng bruă mdrao mgŭn čar Dak Lak mñă klă, čar bi mklă brei leh êbeh 20 êbâo kit ksiêm dlăng kman klei ruă Covid 19 mơ̆ng anôk bruă anei, hŏng ênoh 370 êbâo prăk/kit. Hdră blei dưi hluê ngă djŏ si klei kčah mtrŭn, amâo mâo klei soh čhuai ôh.

Kơ hdră ngă hră m’ar blei kdrăp anei, Nay Phi La mñă: Bruă blei kit ksiêm dlăng kman klei ruă Covid 19 mâo CDC Dak Lak čih mkra hdră kčah blei klă klơ̆ng. Lehkơnăn, êpul êya hưn mdah hŏng Knơ̆ng bruă mdrao mgŭn, knơ̆ng bruă hưn mdah kơ Anôk bruă sang čư̆ êa čar bi mklă. Lehanăn CDC Dak Lak yua anôk bruă bi mklă ênoh êdei anăn hưn mdah hŏng Knơ̆ng bruă Ngăn prăk bi mklă. Knhal tuič, hră m’ar dưi hưn mdah kơ Knơ̆ng bruă Hdră kčah – Duh bi liê ksiêm bi mklă kơh truh anôk bruă CDC bi mklă nao blei. Dŭm hdră anei dưi hluê ngă djŏ hŏng klei kčah mtrŭn mơ̆ng hdră bhiăn./.

H’Nêč pô mblang