VOV4.Êđê- Tlam hruê 6/12, ti Anôk bruă knŭk kna, K’iăng Khua knŭk kna Lê Minh Khái, Khua êpul mă bruă mrô 2 mơ̆ng Khua knŭk kna kơ klei mđĭ ktang bruă brei čan prăk knŭk kna hlăm klei bi kƀĭn online hŏng dŭm Phŭn bruă gưl dlông leh anăn 6 alŭ wăl ƀuôn prŏng Cần Thơ, Long An, Trà Vinh, Hậu Giang, Sóc Trăng leh anăn Kiên Giang kñăm ruh mgaih dŭm klei dleh dlan gun kpăk čiăng mđĭ ktang bruă brei brei čan prăk knŭk kna thŭn 2021. Blŭ hrăm hlăm anôk bi kƀĭn, K’iăng Khua Knŭk kna Lê Minh Khái bi mklă, thŭn anei kyua hmaĭ mơ̆ng klei ruă Covid-19 hlăm anăn dŭm čar ti krĭng wăl krĭng dap mnai Krông Cửu Long hmaĭ kjham, mbĭt hŏng dŭm  klei amâo găl ênưih, mbĭt hŏng dŭm mta amâo găl ênưih anăn hnơ̆ng brei čan prăk knŭk kna adôk êmưt, prăk ODA knŏng dưi mâo 29% hdră kčah. K’iăng Khua knŭk kna mtă, dŭm Phŭn bruă Gưl dlông, khua gĭt gai 6 alŭ wăl pŏk ngă djŏ hdră kčah ƀuăn rơ̆ng, hluê anăn kƀĭn ktuê dlăng djăp hdră bruă dlăng ya klei dleh dlan msir mgaih tăp năn, boh nik mđing ngă bruă hŏng phung duh bi liê rơ̆ng djŏ hnơ̆ng kčah, mbĭt anăn ruh mgaih klei dleh dlan gun kpăk mâo hlăm hdră pŏk ngă hdră bruă.

Pô mblang: H’Zawut Ƀuôn Yă