VOV4.Êđê - Dua čô hđeh sang hră ti ƀuôn prŏng Kon Tum, čar Kon Tum djŏ kman SARS-CoV-2 jing hđeh adŭ 3 leh anăn adŭ 5 hriăm ti sang hră gưl sa Hoàng Văn Thụ, ƀuôn hgŭm Quyết Thắng. leh hmư̆ klei hâo hưn, Anôk bruă mdrao mgŭn ƀuôn prŏng Kon Tum mă mta ksiêm mkă hŏng jih jang hđeh sang hră leh anăn nai mtô ti sang hră, Phung nai ăt blŭ hrăm hŏng amĭ ama mâo anak hriăm mbĭt hŏng 2 čô F0 wĭt kơ sang, bi ktlah hjăn leh anăn ktrâo lač kơ phung amĭ ama nao ti Anôk bruă mdrao mgŭn hưn klei suaih pral leh anăn mă mta ksiêm mkă kơ anak pô.

Leh ƀuh 2 F0 jing hđeh sang hră, mbĭt hŏng klei gĭt gai mjêč ksiêm dlăng, hiu duah phung djŏ tuôm gang mkhư̆ huĭ klei ruă tưp lar kơ lu mnuih, Knơ̆ng bruă sang čư̆ êa ƀuôn prŏng Kon Tum ăt bi mklă brei hđeh sang hră gưl sa Hoàng Văn Thụ mdei nao sang hră lŏ wĭt hriăm online ti sang čiăng gang mkhư̆ klei ruă tưp.

H’Zawut pô mblang