VOV4.Êđê - Aguah hruê 28/12, ti Knơ̆ng gĭt gai lĭng kahan čar Kon Tum, Anôk gĭt gai bruă tui duah, hrui mƀĭn lehanăn bi mklă anăn phung kahan djiê êngiă čar Kon Tum mkŏ mjing leh Knăm tiŏ nao Êpul K53 nao hluê ngă bruă klam tui duah, hrui mƀĭn klang kleh phung kahan djiê êngiă hlăm yan bhang thŭn 2021 – 2022 ti 3 čar kwar Dhŭng ala čar Lao.

Êpul K53 čar Kon Tum nao ngă bruă klam gưl anei mâo 30 čô knuă druh, lĭng kahan mơ̆ng Knơ̆ng gĭt gai lĭng kahan čar Kon Tum. Alŭ wăl tui duah, hrui mƀĭn klang kleh phung kahan djiê êngiă gưl anei dưi bi mklă ti 3 čar mâo Attapư, SêKông lehanăn Chămpasăk mơ̆ng ala čar Lao. Wưng êpul K53 čar Kon Tum hluê ngă bruă klam tui duah, hrui mƀĭn klang kleh phung kahan djiê êngiă ti 3 čar anei tĭng dưi hluê ngă mơ̆ng ară anei truh kơ jih mlan 5/2022./.

H’Nêč pô mblang