VOV4.Êđê - Ti čar Kon Tum bruă mdrao mgŭn alŭ wăl dôk bi tiŏ êran hŏng hruê mmông čiăng jih mlan 11 anei dưi ngă hdră kñăm tlŏ jih vaccin  COVID-19 kơ mnuih 18 thŭn kơ dlông.

Ia Chim jing să krĭng giăm ƀuôn prŏng Kon Tum, kluôm să mâo êbeh 7 êbâo čô mnuih mơ̆ng 18 thŭn kơ dlông lu mnuih djuê ƀiă Jrai leh anăn Bahnar. Anôk bruă mdrao mgŭn să Ia Chim brei thâi, čiăng dưi ngă hdră kñăm jih mlan 11 klă klơ̆ng bi leh bruă tlŏ ênŭm aruăt vaccin Covid-19 kơ êpul mơ̆ng 18 thŭn kơ dlông, mbĭt hŏng klei rơ̆ng kơ kdrăp mnơ̆ng kơ bruă tlŏ mgang, Anôk bruă mdrao mgŭn lŏ bi hgŭm tliêr kjăp hŏng bruă sang čư̆ êa să ngă jăk bruă hâo hưn, mtô mblang čiăng kơ mnuih ƀuôn sang nao tlŏ vaccin. Čiăng mđĭ pral hnơ̆ng tlŏ vaccin Covid-19, bruă mdrao mgŭn čar Kon Tum mđing dăp mnuih mă bruă jih hruê mmông ti 111 anôk tlŏ mgang ti alŭ wăl čar. Êngap anăn mđĭ lar bruă klam mơ̆ng êbeh 2.800 êpul hlăm ƀuôn sang hâo hưn mtô mblang, ktrâo lač kơ mnuih ƀuôn sang nao tlŏ vaccin gang mkhư̆ klei ruă tưp.

H’Zawut pô mblang