VOV4.Êđê - Hŏng klei blŭ “mă ai mnuih ƀuôn sang čiăng kriê dlăng klei hdĭp mnuih ƀuôn sang”, 5 thŭn bi hgŭm pŏk ngă, Klei mtrŭt mjhar “Jih jang mnuih ƀuôn sang bi hgŭm mkŏ mkra ƀuôn sang mrâo, ƀuôn prŏng jăk siam” mâo leh lu klei tŭ yuôm bhăn, đru mguôp bi mlih ƀô̆ mta krĭng ƀuôn sang leh anăn ƀuôn prŏng ti lăn čar leh anăn grăp alŭ wăl. Anei jing klei blŭ mơ̆ng phung bi ala hlăm Klei bi kƀĭn ksiêm wĭt 5 thŭn pŏk ngă klei mtrŭt mjhar kyua Dhar bruă gưl dlông mặt trận čar kwar Việt Nam mkŏ mjing aguah 15/12 ti Hà Nội. 5 thŭn êgao, dŭm alŭ wăl anei iêô mkrum leh dŭm êklai prăk čiăng mkŏ mjing anôk bruă nah gŭ ti krĭng ƀuôn sang. Yap truh mlan 11/2020, kluôm ala mâo 5 êbâo 392 să (mâo 65%) djăp hnơ̆ng čuăn krĭng ƀuôn sang mrâo. Mơ̆ng dŭm anôk mkŏ online, bi ala dŭm alŭ wăl lač kơ klei thâo, hdră ngă mbruă, mbĭt anăn lač kơ hdră msir hluê ngă klei mtrŭt mjhar hlăm wưng kơ anăp.

H’Zawut pô mblang