VOV4.Êđê - Anôk bruă sang čư̆ êa čar Lâm Đồng mrâo mâo hră m’ar bi tŭ ư kơ hdră êlan mkra mđĭ, pŏk mlar êlan găn êrô ti kčŭn čư̆ Prenn, êlan nao mŭt hlăm ƀuôn prŏng Đà Lạt kñăm mkăp kơ klei čiăng găn êrô, msir mghaih klei kpăk đuôm kreh mâo hlăm wưng mâo lu phung tuê hiu čhưn ênguê.

Hdră mkra mđĭ, pŏk mlar êlan găn êrô ti kčŭn čư̆ Prenn mâo boh taih 7,4km, mkŏ hŏng êlan êran pral Liên Khương - Prenn, anôk knhal tuič mkŏ hŏng êlan 3/4, ƀuôn hgŭm 3, ƀuôn prŏng Đà Lạt hŏng ênoh prăk hluê ngă hdră anei truh 514 êklai prăk. Hdră anei mâo 4 grông êlan djăp hnơ̆ng čuăn êlan gưl 3 krĭng čư̆ čhiăng, hnơ̆ng êran 60km/h, boh prŏng êlan 15 m lehanăn ƀô̆ êlan 14m. Ti ktuê êlan anei mâo mkŏ dưm ală kĭng dlăng lăn mnga čư̆ dliê, mâo 2 êlan dêč.

H’Nêč pô mblang