VOV4.Êđê- Leh lu thŭn bi kdung, truh ară anei, bruă ruh mgaih dŭm êtuh ha sang ală kĭng mkŏ mjing soh hdră bhiăn ti lăn dliê mơ̆ng čar Lâm Đồng ăt ka dưi hluê ngă. Hluê si klei ksiêm dlăng, hdră ktuê dlăng mơ̆ng anôk bruă djŏ tuôm čar Lâm Đồng, kluôm čar mâo êbeh 227 ha sang ală kĭng, sang ñuăl mkŏ mjing soh hŏng hdră bhiăn ti lăn dliê. Hlăm anăn, kƀĭn lu hĭn ti ƀuôn prŏng Đà Lạt hŏng giăm 185 ha, leh anăn mâo kdriêk Lạc Dương êbeh 21ha, Đơn Dương 16ha, adôk mâo ti dŭm kdriêk Đức Trọng, Dam Rông leh anăn Di Linh.

Wăt tơdah êlâo anăn, Knơ̆ng bruă sang čư̆ êa čar Lâm Đồng mâo leh hră mơar gĭt gai dŭm kdriêk, ƀuôn prŏng leh anăn anôk bruă djŏ tuôm ngă bruă ruh mgaih êlâo hruê 30/9/2021, ƀiădah truh ară anei ênoh ênhă sang ală kĭng ruh mgaih leh knŏng ti gŭ 10%. Hluê si Knơ̆ng bruă lŏ hma leh anăn mđĭ kyar krĭng ƀuôn sang čar Lâm Đồng, mâo hĕ bruă êmưt anei jing kyua hră mơar  ruh mgaih dleh dlan, mnuih ƀuôn sang nao mă bruă pla mjing anăn bi kdung čiăng mtrŭt mjhar, iêô jak mnuih ƀuôn sang.

Pô mblang: H’Zawut Ƀuôn Yă